أيوه كلنا سمعنا أد إيه الثلج كان شكله يجنن وهو نازل على كام بيت في القاهرة لما الجو كان ساقعة "تلج"، بس مش لدرجة تخلينا نتزحلق عليه يعنى.
بس كل ده إتغير دلوقتي، عشان بقى فيه قطب شمالي جديد، بس المرة دي عندنا هنا فى أفريقيا. كل اللي عليك إنك تروح سكي مصر لو بتحب البرد ومش لاقي نفسك وسط الحر والشمس دي.
في منتجع سكي مصر الجديد بمساحة ٧٫٧٠٠ متر مربع متغطية كلها بالثلج، جه الوقت عشان تلعب بكرات الثلج وتتعلم إزاى تتزحلق من على ارتفاع ٣٠ متر.
أي حد هيقدر يلعب و يقضي وقت ممتع هناك، كبار أو صغيرين، من أول منحدرات التزحلق العالية والمساحات الواسعة اللي كلها ثلج، لألواح التزلج الموجودة في كل مكان.
معندكش أي فكرة عن ألعاب الجليد؟ مفيش مشكلة برضو، فيه مدربين محترفين تقدر تتعلم منهم كل حاجة عن الجليد مع مجموعة أو لوحدك. كمان ممكن تشتري لبس وأدوات التزحلق الخاصة بيك من منفذ بيع سكي مصر اللي هناك.
و لو لسه مش جاهز للإسكيمو ده، ممكن تدخل جوه كورة كبيرة مليانة هواء وتتدحرج من فوق المنحدر عشان تاخد جرعة أدرينالين معتبرة.
وممكن تروق أعصابك بكوباية شوكولاتة سُخنة في "سنوفليك كافيه" اللي هيحسسك إنك قاعد فوق جبال الألب وشايف كل حاجة من أعلى نقطة وأصحابك بيتزحلقوا تحت.
من الآخر كده، لو عايز تتشقلب، تتنطط، و كمان تتزحلق عشان تحس بجو الشتاء اللي بجد في أي وقت طول السنة مش هتلاقي غير مكان واحد بس اللي فيه كل ده... سكي مصر!
لو عايز تعرف أكثر:
https://www.skiegypt.com
https://www.facebook.com/skiegypt
https://www.instagram.com/ski.egypt
او اتصل على 01000257509
