قيم تجربتك معنا!

 

المدونة

 
حدد فئات الاتجاهات
 
 
سبتمبر 2017

عائلة "ميزون بيراميد" تتجه لمول مصر

ميزون بيراميد يفتتح أول محلاته في مول مصر. اتكلمنا مع ماريا سانشيز مينوز "الشريك المؤسس لميزون بيراميد" عن بيت مخططي الموضة الموجود في القاهرة وعن الحاجات اللي بيقدموها واللي ممكن تلاقوها عندهم. ميزون بيراميد يضم أكثر من ١٥ علامة تجارية محلية ونتوقع إنه يغير المعايير ومفهوم الناس وعمل طفرة في عالم الموضة.

إيه اللي "ميزون بيراميد" بيقدمه؟

ببساطة "ميزون بيراميد" هو بيت لمخططي الموضة، مهمته انه يحلل أداء العلامات التجارية المحلية والعالمية ويساعدهم يتشافوا ويزودوا مبيعاتهم أكثر ويقدملهم استشارات في كل حاجة.

كلمينا أكثر عن فرع مول مصر.

محل ميزون بيراميد  في مول مصر
 الهدف منه اننا نقدم مكان لمصممين الأزياء وللعلامات التجارية المحلية لعرض منتجاتهم فيه. بنختار من منتجاتهم اكثر حاجات تجذب الناس والحاجات اللي بتعكس روح "ميزون بيراميد".

متوقعين مين يزور موقعكم؟

أي حد بيدور على هدية مختلفة أكيد هيلاقي اللي بيدور عليه هنا. و أكثر حاجة بتميز "ميزون بيراميد" هي التنوع، ممكن تلاقي كل حاجة عايزها في مساحة صغيرة جداً.

تحبي تقولي إيه للناس؟

أقولهم تعالوا "ميزون بيراميد" و هتلاقوا موديلات وتصاميم من كل حتة في العالم، و هتشوفوا الأسامي المحلية بتقدم إيه.

كلمينا أكثر عن أفراد عائلة "ميزون بيراميد" في فرع مول مصر:


الإسم: أختين
عمر العلامة التجارية: سنتين و نص
الإنجازات: فائز بجايزة "فوج" العربية ٢٠١٦، واحد من أنجح منتجين الإكسسوارات في مصر
الأصدقاء: أشخاص زي "جيجي حديد، وكيلي جينر، وإيما واتسون"

مشاهير هوليوود وشنط أختين

الإسم: بلم بلو
عمر العلامة التجارية: سنة
العلامة التجارية الأخت: أوبيو
الشخصية: بيهتم بالتفاصيل والجودة، بيعبر عن الرفاهية، ومنظم
الأصدقاء: أشخاص مميزين،و مغامرين، وبيوجهوا الموضة

معطف بلم بلو الاسود المترز
الإسم: بوتيك غزل بنات
عمر العلامة التجارية:
٧ سنين
الإنجازات:
جمع عدد من العلامات التجارية العالمية بتصميماتها المميزة تحت سقف واحد
الشخصية:
راقية، ومعاصرة، ومتحضرة

  أزياء غزل بنات و تشكيلة مختلفة من الفساتين الحمراء

الإسم: كوچاك ستوديو
عمر العلامة التجارية: ٣ سنين ونص
الشخصية: عبقري، وجريء
الإنجازات: منافس في برنامج  Fashion Runway Middle East

 الفساتين البنفسجية المنقوشة و البلازيرز الانيقة موجودة في كوچاك ستوديو

الإسم: كوتون بول
عمر العلامة التجارية: ٥ سنين
الشخصية: بسيط، ونقي، ومباشر مع حركة بسيطة
الأصدقاء: كوجاك، وناس بتحب تختار اللون والشكل والمقاس
في مول مصر: التعاون مع كوجاك، وتشكيلة أساسية "تيشيرت، فساتين، سويتشيرت"

كوتون بول يقدم كل الملابس القطنية
الإسم: ديچولد
عمر العلامة التجارية: سنة
الشخصية: ودود، وفاخر، وهيعمل الحاجة على ذوقك
الأصدقاء: اللي بيستمتع بأصغر التفاصيل في الحياة
في مول مصر: مجوهرات لؤلؤ وذهب راقية

سلاسل فاطيمة الذهبية و الفضية الراقية موجودة في ديچولد

الإسم: ساندبوكس چوليري
عمر العلامة التجارية:
٣ سنين
الشخصية: عصري
الأصدقاء: المفكرين، ومحبين الفضة

ساندبوكس چوليري بتعرض دلوقتي الحلق الفضي بشكل مربع مع الأحجار الكريمة

الإسم: هاوس أوف سيليكت چوليري

عمر العلامة التجارية: ١٠٠ سنة
الشخصية:
فخم، وراقي
الأصدقاء: أختين، وصفوة المجتمع

المجوهرات الذهبية الفاخرة في هاوس أوف سيليكت چوليري

الإسم: ديانا شعبان

عمر العلامة التجارية: ٧ سنين
الشخصية: أنثوي غير تقليدي، وملون، ونابض بالحياة
الأصدقاء: مشجعين المظهر الأنثوي والمتباهين بالشكل

فساتين الأبيض والأسود مع الرسومات والتصميم المثلثي في ديانا شعبان

الإسم: چازي
عمر العلامة التجارية: سنتين
الشخصية: طبيعي وعصري، ومحب للمكونات.
الأصدقاء: محبين النظارات المختلفة

چازي يقدم تشكيلة رائعة من النظارات الشمسية

الإسم: تولي ديزاينز

عمر العلامة التجارية: سنتين
الشخصية: بوهيمي
الأصدقاء: محبين الحرية

ازياء هيبي بتستخدم في تصميمتها رسومات والتصميم البوهيمي و نقشة الورود الحمراء هتلاقيها في تولي ديزاينز
الإسم: زاج ستور

عمر العلامة التجارية: سنتين و نص
الشخصية: إنتقائي، ومختلف
الأصدقاء: المميزين عن البقية

زاج ستور بيعرض الكيمونوس المنقوش بالأحمر والأزرق والبرتقالي

الإسم: زانج
عمر العلامة التجارية: سنة ونص
الشخصية: رائع، ومحب للطباعة والخطوط
الأصدقاء: أشخاص جريئة

زانج هو محل ملابس رجالي لمصممين مصريين يتميز بتصاميم الطباعة

لمعلومات أكثر عن ميزون بيراميد و العلامات التجارية التانية، زوروا مواقعهم:

ميزون بيراميد: http://www.maisonpyramide.com

إنستجرام: https://www.instagram.com/maisonpyramide

فيسبوك:  https://www.facebook.com/maisonpyramide

أختين: https://www.okhtein.com

بلم بلو: https://www.facebook.com/plumplu.official/

بوتيك غزل بنات: https://www.facebook.com/GhazlBanatBoutique

كوجاك ستديو: https://www.facebook.com/kojakstudio

كوتون بول: https://www.facebook.com/cottonballofficial

ديجولد: https://www.facebook.com/Djewelled-161090834289030

ساندبوكس جوليري: http://sandboxsu.com

هاوس أوف سيليكت جوليري: https://www.facebook.com/HouseofSelect

ديانا شعبان: https://www.facebook.com/Deanashaabandesigns

جازي: https://www.facebook.com/jazzyonline2016

تولي ديزاينز: https://www.facebook.com/Tollie-design-419420004748701

زاج ستور: https://www.facebook.com/ZAG-STORE-1595017134105076

زانج: https://www.facebook.com/ZangEgypt

 
فبراير 2017

تقرير Pantone عن لون الموضة

احنا مابنفضلش أبدًا إن حد يزنق نفسه في درجات لون واحد، وإن الواحد يعرف باليتة الألوان المهمة في 2017 مش هيخسّر أبدًا. باليتة ألوان الربيع مابتحبش الألوان الهادية بتاعة الأزرق الممل أو الأحمر التقليدي. بعد ما Pantone أصدروا تقرير بلون السنة دي (الأخضر)، ولألوان اللي بتكمله كلها روعة وحيوية وطبيعية. الألوان دي بتبيّنلنا إن دي بدايات حلوة كلنا بنحتاجها في كل ربيع.

أهم ألوان موضة ربيع 2017 هي:

PANTONE 17-4123 Niagara - نياجرا
PANTONE 13-0755 Primrose Yellow – أصفر زهرة الربيع
PANTONE 19-4045 Lapis Blue – أزرق لازورد
PANTONE 17-1462 Flame - اللهب
PANTONE 14-4620 Island Paradise – جزيرة الفردوس
PANTONE 13-1404 Pale Dogwood. – لون شجرة القرانيا الباهت


مافيش ألوان بنفسجي ولا أحمر، ولا درجات الإسود والأبيض، ومافيش أي حاجة فسفوري ولا فاقعة ولا باهتة، كلها ألوان حيّة وهادية في نفس الوقت.
تعالوا نبص بصة على تفاصيل الألوان دي.

لون السنة: PANTONE 15-0343 Greenery (الأخضر)

الأخضر هو لون 2017، وكل الأوان بتمشي مع اللون دة، واللون ليه تأثير اجتماعي ونفسي كويس جدًا. الأخضر لون منعش وحي وبيوحي ببدايات جديدة مشرقة. لون مرن بين الأصفر والأخضر بيدعّم قدرة الطبيعة على إنها تصحى من جديد، لون بيضيف حياة وحيوية وبيوحّد الكائنات الحية. تم اختيار اللون لأسباب أبعد من بس شكله؛ تم اختياره عشان يعبر عن حاجتنا كلنا إننا نخف شوية من الحياة الحديثة ونلتقت لطاقة الطبيعة المعتدلة. الأخضر مش اللون اللي طبيعي الناس تلبسه حتى لو مجرد تيشرت سادة بس الدرجة دي من الأخضر هتعجبنا كلنا أي كانت بشرة اللي هيلبس اللون دة.

الألوان اللي بتليق معاه:

PANTONE 17-4123 Niagara – نياجرا

درجة من الأزرق شكلك هيبقى حلو فيها دايمًا، نفس درجة البنطلون الجينز العادي خالص، لون بسيط جدًا. الدرجة دي هتبقى حلوة جدًا على بلوزة شيك أو على سكيرت.

PANTONE 13-0755 Primrose Yellow – أصفر زهرة الربيع

هنعتبر دة الأصفر الفاقع، بيوحي بالحرارة والحيوية. هو لون اليوم المشمس أو لون المشجعة أو لون رائدة الأعمال النشيطة والمتحمسة. اللون دة مايليقش على الناس اللي مش جريئة، غامري والبسي فستان ملوّن بالدرجة دي، وبروزي دة بإكسسوارات تعمل تباين قوي وواضح.

PANTONE 19-4045 Lapis Blue – أزرق لازورد

لون الأزرق اللازورد بيعكس التألق الداخلي والقوة، فيه حدّة وهدوء بنفس الدرجة، مين عمره فكّر إن ممكن درجة من الأزرق ممكن تبقى حاجة غامضة؟ البسي اللون دة مع واحد من أجرأ ألوان ربيع 2017 (Pink Yarrow ) عشان توضحي القدرات المخفية في الأزرق.

PANTONE 17-1462 Flame – احمر اللهب

هو لون برتقالي متاخد من الأحمر، لون مرح وخفيف. لون بيضيف شوية حركة وحيوية على باليتة ربيع 2017. ايه أخطر حاجة ممكن تتعمل معاه؟ تحطي روج نفس اللون دة، أو تستخدمي مكياج بلون واحد يكون مستوحى من اللهب.

PANTONE 14-4620 Island Paradise – جزيرة الفردوس

لون (Island Paradise ) لون رِوِش جدًا، درجة خفيفة من الأخضر المزرقّ بيفكرنا بالبحيرات الزرقا والشواطئ الاستوائية اللي فيها جوز الهند. لون بيقول لازم تبقى فيه أجازة بحر متوسطية. لو رايحة الشغل بمظهر خفيف أو في خروجة بسيطة مع أصحابك يبقى هو دة اللون المناسب ليكي.

PANTONE 13-1404 Pale Dogwood - لون شجرة القرانيا الباهت

لون (Pale Dogwood ) هو لون بينك جميل بيبيّن الصفاء والبراءة، بيضيف حالة من المزاج الهادي. اللون دة لطيف جدًا، وبيمشي مع أي لون في الباليتة تقريبًا. ضيفي مع اللون دة أي لون معتدل من باليتة ألوان الربيع دة عشان يبقى مظهرك هادي ومش متكلف خالص. لو عايزة تبقي جريئة باللون دة فبنقترح عليكي إنك تجربي معاه اللون الأخضر درجة الكرنبي عشان يبقى عندك شكل جديد من موضة الأخضر.

PANTONE 17-2034 Pink Yarrow – الوردي الهادي

اللون الوردي الهادي (Pink Yarrow ) لون أي حد يحب يبصله من غير ما يحس إنه فاقع. اللون قوي جدًا وحي ويوحي بالحركة القوية، شبه الوردة اللي بتلبسها مواطنة سمرا أصلية من هاواي. اللون دة ممكن يمشي مع أي حاجة من أول الفساتين الطويلة لحد التوب المفتوح.

PANTONE 18-0107 Kale – الكرنبي

اللون الكرنبي (Kale ) بيمشي مع الألوان القوية في باليتة ربيع 2017 زي الوردي الهادي (Pink Yarrow ) والبرتقالي الناري (Flame ) وبيهديها. لون أخضر شبه ورق الشجر تقريبًا، هادي على العين جدًا. اللون دة ممكن يخلي أي جاكيت أو فيست ممل يتحوّل لقطعة فنيّة قوية.

PANTONE 14-1315 Hazelnut – لون البندق

لون كريمي محايد، وهو اللون الأساسي في باليتة الربيع. هدوءه بيمشي مع أي لون في الباليتة، وبيخلي الألوان تتماشى مع بعضها من غير أي مجهود. لون أساسي في الربيع ومش محتاج أي حاجة عشان يبقى شيك وحلو. وبنقترح إنك تمزجي اللون البندقي (Hazelnut ) بأي لون تاني في الباليتة.

 الأخضر مش هيختفي بعد الربيع، ممكن يتحط مع أي لون محايد أو الألوان الواضحة والمشرقة أو الألوان الغامقة أو الميتاليك وألوان تانية عشان أي فصول تانية، وبيه نقدر نعبر عن حنين واضح لإعادة الاتصال مع الطبيعة. جرب واقرر ايه اللي يليق معاك وماتحجمش تفكيرك في حاجة معينة.

 
تحميل المزيد